Дозволете да ви го претставам Deal Extreme! Доколку ви е потребно да купите некоја ситница за исклучително ниска цена… посетете ја страницата.

Битно - наплата преку PayPal.

Побитно - испорачуваат во Македонија.

Најбитно - сите оние кои се регистрирани на PayPal со адреса од друга држава, имаат опција по извршеното плаќање да ја сменат адресата на испорака во склоп на самата нарачка и да ја внесат вистинската адреса на живеење.

Но најпрвин, за неинформираните. Преведено од англиската верзија на Wikipedia: CAPTCHA или Captcha (IPA: /ˈkæptʃə/) претставува „предизвик-одговор“ тип на тест кој се користи во компјутерските технологии и кој дава сигурност дека дадениот одговорот не е креиран од компјутер.

Ви го претставувам SI CAPTCHA!

Следната листа е само дел од она што изработувачот го тврди за него:

• Се конфигурира од администрацијата
• Се држи до XHTML стандардите
• Не е потребен JavaScript за да функционира
• Дозволува Trackbacks и Pingbacks
• Може да се подеси да не се појавува CAPTCHA проверката за администраторите и најавените корисници
• Може да се подеси CAPTCHA проверката да се појавува на формата за коментирање, на регистрациската форма или пак на двете
• I18n поддршка за превод

Го користам овој додаток веќе две недели и можам слободно да објавам дека спам пораките се намалија од просечно 50 дневно на една голема нула !

Во овој текст нема да ставам никакви слики од додатокот, бидејќи истиот е активен на dogon.bi, па Ве молам, притиснете на Page Down типката и слободно поиграјте си со него така што ќе ми испратите коментар.

Му препорачувам на било кој сопственик на WordPress блог да го преземе и да го испроба. Сигурен сум дека ќе му ги поедностави деновите исполнети со администрирање на блогот. Што се однесува пак до спам пораките во мојата GMail сметка, се надевам дека Google наскоро ќе инсталира филтри со руски вокабулар и кирилична поддршка.

Со толку многу информации на дофат на нивните прсти, секогаш се појавува проблемот за зачувување и правилно каталогизирање на истите. Дали треба да ги преземат податоците локално и да пробаат да ги организираат самите? Или можеби е попаметно да користат online сервис како што е del.icio.us, кој што и јас до сега го користев, па да ги зачувуваат само врските до избраните информации?

За среќа на пазарот се појави одличен софтвер и што е подобро, се појави во вид на надоградба за Firefox! Се вика „Zotero“ (http://www.zotero.org). Во времето на пишување на овој текст, Zotero беше во верзија 1.5 бета. А ова е тоа што неговите развивачи го изјавуваат за нивната програма:

Zotero [zoh-TAIR-oh] е бесплатна, лесна-за-користење Firefox надоградба која ќе ви помогне да собирате, управувате и да ги цитирате вашите истражувачки извори. Таа живее таму каде што и ја вршите вашата работа - во самиот веб прелистувач.

Слоганот на компанијата е: „Управувањето со цитати е само почетокот“. И да, навистина е само почетокот. Иако примарната намена на Zotero е прибирањето, чувањето и каталогирањето на цитати од Интернет, а и примарната група што треба да го користи се студенти и професионалци кои вршат научни истражувања, сепак јас лично ја користам оваа надоградба за да ми го олесни секојдневниот програмерски живот.

Секогаш кога ќе налетам на информација (стран од веб презентација, PDF датотека, архива, видео упатство или било каков вид на документ) за која што сметам дека ќе ми биде од корист во иднина, јас едноставно кликнувам на копчето „Take snapshot of the current page“ и саканиот документ е веднаш симнат и зачуван во локалната SQLite база која овој софтвер ја користи.

Но, тоа не е се. Во оној момент кога ќе го преземе документот, Zotero го индексира и потоа истиот е спремен низ него да се пребарува по сите зборови. На страницата на Zotero тврдат дека дури и PDF датотеките комплетно се индексираат за пребарување по сите зборови. Но, доколку мислите дека видовте се, само почекајте за следното што доаѓа на ред. Следната опција е она што мене најмногу ми се допаѓа кај овој софтвер.

Да си замислиме дека сте пронашле упатство или пак електронска книга. Авторите на овие текстови најчесто го објавуваат и кодот кој е опишан во книгата така што го ставаат во една или повеќе архивски датотеки. Се што треба да се направи е да се кликне со десното копче од глушецот на некој од линковите до избраната датотека и да се избере „Save link as Zotero snapshot“ од појавувачкото мени.

Потоа, само отворете го Zotero прозорецот и врзете ја преземената датотека со некој од претходно симнатите веб страници. На тој начин, двата документи ќе останат меѓусебно врзани, а вашите податоци ќе бидат на само еден клик од вас, дури и кога немате интернет врска.

Уште една работа која вреди да се спомене е дека можете да креирате прибелешки користејќи го овој софтвер, а можете да бележите скоро се. Ова е особено корисна карактеристика кога сакате да маркирате или да искоментирате дел од некоја информација на веб страница која што сте ја пронашле, на истиот начин како што тоа го правите со лепење на лепливи забелешки во вашите книги кои ви помагаат во истражувањето.

Уште една возбудлива карактеристика која се планира за блиската иднина е развојот на синхронизација на податоците со Zotero серверот. Оваа карактеристика која сеуште не е достапна ќе ви овозможи да имате различни копии од Zotero поставени на различни локации и да бидете во можност да ги синхронизирате податоците меѓу нив. Во моментов постои опција за export/import на податоци ставена на ваше располагање, но зачувувањето и читањето на големи (кои стануваат се поголеми) купчиња на податоци на вашиот преносен USB, со тек на време знае да стане заморна процедура.

Се на се, ова е одлично парче софтвер кое што има уште подобра иднина пред себе. Доколку сте како мене и постојано сурфате и креирате библиотеки на собрани податоци, со цело срце ви го препорачувам Zotero. Ќе ви го олесни животот така што нема да дозволи релевантните информации да го напуштат вашиот прелистувач никогаш повеќе!

А тоа не само што значи дека наскоро ќе можете да учествувате во користењето на најголемиот аукционерски електронски сервис во светот и преку Moneybookers да вршите плаќање за продуктите кои ќе ги добиете, туку и самите ќе можете да објавувате аукции, односно да продавате ваши производи и услуги.

Секако, никогаш сите вести не се само добри! За да вршите плаќање со Moneybookers ќе треба да проверите дали продавачот го има наведено како платежно средство преку кое прифаќа да прима средства. За жал многумина од продавачите прифаќаат само трансакции преку PayPal, во кој ние нели сеуште не можеме да се зачлениме по регуларен пат. А како што е наведено во електронскиот весник, Moneybookers има едвај 7 милиони членови кои ги користат неговите услуги, што во споредба со PayPal е веројатно многу мал број.

Што се однесува до трансферот на средства од Moneybookers на наша картичка, некаде во Октомври направив мал тест и префрлив 0.55 Евра на мојата VISA Electron дебитна чип-картичка од Тутунска Банка. Трансакцијата беше успешна, а парите се појавија во денарска противвредност што може да се види од наредниот screenshot:

…тогаш јас точно знам зошто нема да гласам за едниот, а појма немам зошто би гласал за другиот.

Деновиве нели, повторно се актуелни сметките за парно. Наводно, на одреден број на физички и правни лица им дошле огромни суми за месец Декември 2008, па еве сега се бунат. Топлификација си молчи, ете тоа било демек реално порамнување според потрошената топлинска енергија, народот џанам се буни, а новинарите или сметаат дака новинарството подразбира само пренос на информација, па пласираат глупости од типот „постарите згради поради лошата изолација трошат повеќе топлинска енерија па од таму и сметките им се поголеми“, или пак - со умисла го лажат цело Скопје.

Мала дигресија - зарем навистина реков дека народот се буни? Неее, немаат гајле корпорациите кај нас од тоа. Ќе трае целава работа до кај 2-3 дена. Па потоа ќе дојде викенд, треба луѓево да се одморат од многу бунење, па здравје, од понеделник ќе ја заборавиме целата работа и пак ќе го даваме царевото на царот.

Но… не е ни ова она за кое што сакав да ви пишувам.  Ова од горе е само последица на една уште поголема лага од минатото лето, а која пред десетина дена стана толку очигледна што секој ден ме удира по глава. И јас наивен, убеден дека апсолутно сите ќе ја приметат - ништо не пишував, чекајќи во секој момент на вести да биде ударна, а по веснициве да излезе една голема огромна вест на насловната страна:

ТОПЛИФИКАЦИЈА ИЗВРШИ КРИВИЧНО ДЕЛО И ГИ ИЗМАМИ ГРАЃАНИТЕ НА СКОПЈЕ!

ВИСОКАТА ЦЕНА НА НАФТАТА И БЕШЕ ОПРАВДУВАЊЕ ЗА 60% ПОКАЧУВАЊЕ,

А ТОПЛИФИКАЦИЈА ТРОШИ ПРИРОДЕН ГАС!

Но на лагата и се кратки нозете… или ете… барем неколку месеци долги, па ја дознавме и вистината. Кризата што настана со испораката на гас од Русија го натера раководството на Топлификација да признае дека ќе мораат да ги префрлаат печките од режим на работа - согорување на природен гас, на согорување на мазут. Докази имате колку сакате:

…„додека „Топлификација“ за еден ден успеа да премине на мазут“.  (Време)

„- Од завчера „Топлификација“ работи на мазут, што значи парното во домовите ќе остане топло. “ (Дневник)

„Поради прекинот на испораката на гас најголемиот потрошувач на тој енергент во Македонија, „Топлификација“, од завчера премина на мазут.“ (А1)

„Најголемиот потрошувач на гас во Македонија, скопска „Топлификација“, полесно го преброди прекинот со снабдување со рускиот гас. Таа веднаш ги приспособи станиците за користење на мазут за затоплување на парните котли. “ (Нова Македонија)

„Македонија е без гас, но парно во земјава ќе има, бидејќи Топлификација го префрли своето производство на мазут…“ (Вечер)

„„Скопје целосно се грее на мазут. Префрлањето од гас на мазут беше направено во рекордно кус рок од 14 часа, бидејќи станува збор за сложена процедура, но успеавме и сега работиме без проблеми со мазут.“ (Утрински Весник)

А сега дозволете да ве потсетам на приказната која ја проголтавме минатиот Јуни:

Зголемените цените на мазутот притиснаа и на парното, имајќи го во предвид фактот дека „Топлификација Скопје“ топлинската енергија ја произведува со користење на мазут. (А1, новинар Мишко Иванов - „Парното ќе поскапи“)

За веќе во месец Јули, во екот на кампањата „корпоративно мамење на граѓаните“, истиот автор во веста насловена како „Парното ќе поскапи за околу 60%“, на дури 8 пати во текстот го споменува мазутот како примарно, основно, единствено гориво кое се троши во топлана, а неговата покачена цена како најголема причина за оправдување на идната цена за греење:

Цената на мазутот денеска изнесува 38 денара. Во споредба со лани, кога цената изнесуваше 23,5 денара, тоа е зголемување на цената за 62%.

Ваков раст на цената на мазутот досега не е регистриран во Македонија. Овој енергенс е клучен за производство на топлинска енергија.

Навистина, „Топлификација е пример за лош домашен инвеститор во Република Македонија“. Ама сепак - сите молчат. А народот е најгласен во своето молчење!

50 години подоцна, македонската држава широкоградо прими 300.000 Албанци, бегалци од Косово.

10 години по тој настан, можам да си го поставам само следното прашање:

Кај им бил умот на македонските политичари пред 60 години?

Малку изџвакана, во вид на условување, оваа мисла гласи некако вака: За дадена држава да има кохезија во сопствените редови, потребен и е надворешен непријател.

Без разлика на сите сличности помеѓу балканските држави и нации, заедничката историја, сличниот мелос, сличностите во јазиците, религиите или културното наследство, реченицата погоре е без сомнение нешто што најмногу ги врзува балканските народи.

Сите балкански држави имаат надворешни непријатели.

И тоа *многу* надворешни непријатели.

И по правило, најголемите непријатели се секогаш првите соседи.

А ако се погледнат балканските нации и нивните држави: Грција, Србија, Хрватска, Босна, Албанија, Македонија, Бугарија… лесно може да се заклучи дека бројот на надворешни непријатели расте и зависи правопропорционално со количината на социјалните и политичките проблеми во истата.

Значи, најголемата сличност и најјаката врска меѓу балканските нации - е бројот на нерешени внатрешни проблеми во нивните држави.

Но навистина интересниот дел од нашата дискусија настана кога прочитав дека битното во овој спот е тоа што воопшто се прикажува и што на крајот се појавува 16-битното сонце (се мисли на сонцето од Кутлеш), а дали овој спот ќе привлече или не туристи во државава е споредна работа. Секако тука се спомена и фактот дека сме во ладна војна со Грција и дека е време за маркетинг и себепромоција, те. колку повеќе светот те познава - толку повеќе те цени.

Еве го мојот одговор…

Апсолутно се согласувам дека сме во ладна војна. И апстолутно се согласувам дека е време за себепромоција и маркетинг и дефинитивно ме нервира онаа народната „наведната глава - сабја не сече“! Но… можам да го кажам и следното:

1. Се сомневам дека пуштањето на спот доволно ќе ја промовира државата за да ни помогне во терањето на правдата. Или… може и вака: They don’t give a flying shit about Macedonia and what is just!
Светските сили се интересираат за прагматични работи… енергија, ресурси… уво ги боли нив што има таму некоја Македонија која себеси милува да си се нарекува „лулка на културата и цивилизацијата“. Ја заболе и Европа и САД и Русија и Кина за културата општо.. а тек во Македонија.
Ако мене ме прашаш, овој спот ќе ни донесе многу повеќе непријатели отколку пријатели. Впрочем, длабоко сум убеден дека со гледање на видео не се стекнува пријател. Кога тој тука ќе дојде… и ќе го запознае староседелци… и ќе си дозволи да не погледне во душата, е тогаш ќе ни стане пријател и ќе лобира за Македонцките работи. За жал, ова видео едноставно не повикува на посета.
А да не зборуваме за финансиските ефекти кои колку и да сме патриоти, не смееме да ги заборавиме… оти никој од нас на маса не става патриотизам за да си го нарани семејството.

2. Секој мудар човек ако не може да ја избегне војната и непријателите, тогаш барем гледа да ги одбере битките што ќе ги бие…
Како што и самиот знаеш Грција (како и целиот западен свет впрочем) е во многу осетлива ситуација. За жал (или за среќа), на грчката младина прва и збоктиса од погледот на безнадежната иднина што ги очекува.
Како надополнување ќе ти посочам една многу мудра и барем според мене 100% точна мисла од… е јбг не ми текнува од кого беше, ама истата гласи вака: „На секоја држава и е потребен надворешен непријател за да внатре се задржи кохезија меѓу населението“. И една „мудра“ мисла од мене: Рането животно не се влече за опаш! :))) Пошто, верувал или не принципот „Кick`em when they are down!“ може за час да сe преврти и да не тресне нас по носот затоа што ние во моментов сме очигледно и прекрасно решение за решавање на грчките внатрешни проблеми.

И да… за да нема забуна: авторот на овој текст - од Април наваму, нема влезено ниту еднаш во Веро.

Доколку вие имате различно мислење, искажете го преку формата подолу…

Најлесен начин да се објасни каква е улогата на овие банки е да се направи паралела со обичните (кредитни) банки. Значи, тоа што е кредитната банка за населението, тоа се ММФ и Светската Банка за државите.

И верувале или не нивната цел не е да го подобрат финансиското работење и финансиската состојба на државите, туку е идентично како и кај кредитните банки, а тоа е - да заработат на сметка н своите клиенти.  Дури и начинот на работа е идентичен. Доколку вие како кредитокорисник се презадолжите и не сте во состојба да го исплатите кредитот, секогаш имате две можни опции:

1. Да побарате нов кредит со кој што ќе го покриете стариот (рекредитирање) и со тоа уште повеќе да се задолжите; или
2. Да оставите нешто под хипотека (доколку веќе не сте) и ултимативно, доколку не ве огрее сонцето, повторно да дојдете во истата ситуација во која банката ќе ви земе стан, земјиште, кола или некое друго материјално добро кое било ваша сопственост.

И ММФ и Светската Банка работат на истиот начин - преку барањата на државите (клиентите) за кредитирање. Доколку не може да го врати под договорените услови… државата бара нов поголем кредит, или под влијание на овие две институции возвраќа со „приватизација“ на општествени институции (било што што ќе го зацртаат како профитабилно: социјален систем, пензиски, казнен, земјоделски задруги…), или пак - во име на државата/државите сопственици бара соодветни воено/политички услуги (војска во туѓа држава, глас во Обединетите Нации и слично).

А доколку сте од оние кои сметаат дека приватните банки се позитивна појава, те. се грижат за финансиската добросостојба на населението… тогаш е време да се освестите. Таму каде што е во прашање профит, таму нема место за етика. Банките имаат само една и ниту една друга цел, а тоа е да го максимизираат профитот, те. да земат што поголемо парче од вашите материјални добра! Доколку имате различно мислење од ова, тоа е делумно поради добриот маркетинг, а делумно поради константното перење на мозок кое ве оттргнува од размислување.

Истото правило важи и кај ММФ и Светската Банка.

Па нормален човек сега ќе си постави прашање… доколку ММФ и Светската Банка навистина не се тука за да помогнат, туку напротив, да ја ослабат државата до степен на очај во која прифаќа секакви материјални и политички уцени, тогаш КОЈА е таа гарнутира на власт и ЗОШТО истата би прифатила соработка со овие две (приватни) институции?

…ова е прашање на кое што самите ќе морате да најдете одговор. Доколку го откриете, или можеби не се согласувате со мене, тогаш оставете ми коментар подолу.